Dáidagiid ijas Kansalaistorii boahtti installašuvdna muittuha šlájaid jávkamis
Dáidagiid idja lágiduvvo birra gávpoga duorastaga 18. borgemánu. Kansalaistorii ceggejuvvo 15-mehtera allosaš Comrades Against Extinction -installašuvdna, mii bovde muitit verddiideamet mat leat sogahuvvan. Duoji guoras sáhtát oassálastit Ánnámáreha, Anni Elifa ja Ali Saad jođihan musihkkaráidui. Dáidagiid ija áigge maiddái logit goartilat ja gáhtat čudjet.
Kansalaistorii Parlameantadálu nuppe beallái ceggejit Dáidagiid ija 18. borgemánu 15-mehtera allosaš installašuvnna Comrades Against Extinction, mii muittaša sogahuvvan šlájaid. Duoji dáiddáriidda Radha D’Souzai ja Jonas Staalii installašuvnnas govvejuvvon eallit leat min verddet, dálkkádatkatastrofa martyrat ja min máttut eallima dáistaleamis.
Hollándalaš dáiddár Staal ja srilankalaš girječálli ja jurista Radha D’Souza leat gieđahallan dálkkádatgažaldagaid maiddái árat The Court for Intergenerational Climate Crimes -installašuvnnas. Duodji čájehii duođaštusaid fitnodagaid ja stáhtaid dálkkádatrihkkosiin.
Muitomearka, mii lea Kansalaistoris gitta 21. borgemánnui, nuppástuvvá Dáidagiid idjan ealli muitofeastan. Duoji temá dievasmahtti musihkkaráiddu jođihit artisttat Ánnámáret, Anni Elif ja Ali Saad, ja singuin lávlu Philomela-koara. Eahkeda áigge juohkeokta sáhttá oassálastit muitit ja gulahit šlájaid rájáid rasttildeaddji solidaritehta sogahuvvama vuostá. Ráiddu ollašuhttimii ohcat maiddái eaktodáhtolaččaid šilttaid doallamii. Almmuheapmi lea rabas 6. borgemánnui neahtas čujuhusas helsinkifestival.fi/comrades.
Ovdal ráiddu Sanomatalos lágiduvvo ovttasbarggus Helsingin Sanomain dáiddáriid jearahallan ja panelaságastallan man váldofáddán lea šlájaid jávkan. Doaimmaheaddji Petja Pelli jođihan panelii oassálastet Marko Ahtisaari (Helsinki Festival), Leo Aikio (Sámedikki) ja Aino Juslén (Luomus) . Ságastallamat streamejuvvojit Helsingin Sanomaid kanálain.
Supported by Mondriaan Fund
